XZ-1 + wcon07

之前買左 部 XZ1，除左大家熱烈討論嘅「佛光」問題，同埋拍 video 比較差之外，就係以現今嘅標準，得 28mm wide 真係唔係好夠嘅，而原廠又無提供解決方案，咁唯有「食自己」（DIY）啦。咁啱我係籠底摷番個 Olympus WCON07 嘅 wide convertor，咁都算係原裝呀！

咁究竟點樣整個「套筒」呢？其實好簡單，走去鴨寮街買個 46mm 圓柱形嘅遮光罩，同埋一個 49 - 55mm 嘅 step ring。將個遮光罩鋸短佢，然後磨薄個邊，用混合膠黐個 step ring 上去，成個過程都唔使半個鐘。

台灣個邊 都有人試過咁樣改，佢地就話有黑角，其實係個「套筒」太過長，只要盡量短，就唔會有黑角架喇！呢個 converter 質素唔錯，只係有少少變形，四角邊位有少少色散，縮左圖唔係好覺嘅。不過由於個 converter 都唔細，組合之後有啲頭重尾輕，便攜性大打折扣。如果要去特登買個 converter，我就唔建議咁樣搞。

加左 converter 同無加的分別

以上縮圖點擊可以下載原圖