Astell & Kern AK100 開箱

自從手機可以用來聽歌之後，市面上嘅流動音樂播放器款式就越來越少，因為大部分人其實要求都唔係好高既，但係如果你同我一樣，要求比較高，你就會發覺，手機根本推唔郁啲比較好嘅耳機，依家市面上輸出比較高嘅播放器，就只係剩番祖國嘅磚頭機，又或者加個耳筒擴音機，但係我出街嗰陣已經要攞好多野，真係唔想再帶多舊磚頭。

之前係網上面見到AK100，已經好有興趣，試聽完之後，就第一時間比錢，雖然佢嘅輸出，係比唔上磚頭機同耳擴，但是體積、重量、外型贏曬。

一個全黑嘅紙盒

打開之後見到真身，仲幫你貼好咗保護貼。

布袋一個、USB線一條、說明書同後備保護貼兩張，仲有一本好細嘅簿仔。

本簿仔入面有張放咗五個高解像音樂檔嘅 Micro SD

部機係韓國做嘅

如果你問我啲聲係點，我個人係滿意既，不過口味人人唔同，最好就自己去聽下先啦。