MamiyaLeaf x Heidelberg 2012 Calendar

相信除了印刷界嘅朋友，可能對海德堡(Heidelberg)呢個名都會比較陌生，其實海德堡(Heidelberg)係全球最大單張紙印刷機生產商，總部正正就係座落喺德國海德堡呢個美麗嘅城市，全球單張紙印刷機市場上嘅佔有率已超過40%，喺全球六個國家(包括中國)設有 R&D同埋生基地，擁有約 250個 Sales offices，約有 15,000名員工向全球超過 20萬個用戶提供服務。

海德堡中國有限公司於 1998年正式成立，總部設喺北京，同時係成都、上海、深圳、廣州同埋香港設立辦事處，員工約 600人。除咗印刷機之外，海德堡仲包括印前製版設備，數碼印刷設備，同埋印後加工設備，以及能夠將所有印刷生.步驟整合起嚟嘅工作流程同埋軟件系列等等。

眾所週知，印刷行業一直追求嘅高印刷品質，往往需要透過高質素嘅圖片配合至可以展現出印刷技術所帶嚟嘅高品質效果。

整個掛曆由印前到印刷嘅過程都在深圳印刷媒體中心完成，全部採用海德堡昀先進嘅印通軟件處理，同埋海德堡新型號速霸 CX 102六色單張紙印刷機配以 UV上光印製而成。

呢台新式印刷機能夠喺一次走紙裡面，同時實現四色印刷＋墨斗光油＋UV光油合成產生嘅Drip Off 特殊印刷效果，同依家一般印刷過程會用嘅 offline印 spot UV, spot varnish唔同，呢個 inline Drip off 特殊印刷技術可以保証生產質素更穩定，好多圖像細節部份都可以印得清楚精細，同埋因為係一次走紙，所以 spot varnish呢 D位置唔會出現套唔準嘅情況出現。令到生產效率提高嘅同時，又可以替印刷品製造出特殊效果。

而呢個掛曆嘅另一個挑戰，就係你哋會發現掛曆裡面嘅大部份照片都牽涉大面積嘅深色圖像，咁會令到喺印刷過程中容易使用過多油墨，導致套印同埋色彩控製難度增加。

喺呢一方面使用咗海德堡 CtP In line punching同埋 Color Management Solution。前者係預先喺 CtP印版上打孔，再使用印刷機自動裝版功能裝版，大大提升套準度；而後者係對印刷色彩嘅控制變得更輕鬆，顏色更貼近，質素更穩定。

為咗令到畫面中黑色更黑而且視覺感覺更豐富，更採用對黑色印刷兩次嘅方式，同普通印刷出嚟嘅效果有好大分別。

點選相片集可看到更多 models 和掛曆相片。