TREK FLU CARD PRO "Eye-Fi"以外嘅選擇

text: Yesun | photo: Yesun | post on: 27-Dec-2011

以前影完相如果想分享俾人,除非有部電腦系身邊如果唔係為有返屋企先至可以上傳比朋友，之前有一張Eye-Fi SD Card，只要有網絡就可以上傳或者直接分享，但係Eye-Fi如果只係想Send一張相俾人，會比較麻煩同接收嗰邊要裝咗個軟件，開返個新戶口，同埋登入先至可以過相。

岩岩發現左一張TREK FLU CARD PRO，可以唔使裝軟件直接係瀏覽器度睇到你將SD卡入邊既靚相，而且仲可以幾個人各自用自己個手機或者平板電腦一齊睇你部相機入邊嘅相片，都真係幾方便架。

而且個操作方法都幾特別，張卡入邊有四張相片，分別代表四個功能，你想執行邊個功能，就將嗰個功能嗰張相片刪除就得啦，你刪除咗果張相片只要熄左部相機再開番部相機，張相就會走返出來。

如果你同朋友都有呢張咭，分別安裝係自己部相機上邊，仲可以互相傳相片。

係使用上邊都有啲地方要注意嘅，張咭插咗入相機之後會有兩下響聲提示，代表準備完成，不過有時會冇反應要熄咗部機再開番先至得，同埋要熄咗部相機嘅自動熄機嘅功能，如果唔係傳傳下相部機自動熄咗咁就麻煩，重有你張張咭插落去電腦嘅讀咭機都會有兩下響聲，要在響聲之後先好做讀寫動作。