Pixel KING 無線TTL遙控飛燈器

最近買咗呢隻無線遙控飛燈器，點解揀呢隻，最主要原因係價錢唔算太貴，同埋用 AA 電。因為市面上大部份飛燈器都唔係用 AA 電，當你用幾隻以上，就一定要帶後備電。用 AA 電嘅好處就係，你支閃光燈本來就係用 AA 電架啦！閃光燈用到回電慢嘅電池，俾個飛燈用，都仲可以頂到幾廿張啦！講返呢隻飛燈器嘅主要特點，除左支援 TTL 之外，仲可以遙控手動輸出，而且仲有對焦燈，不過都有少少奇奇怪怪。

發射器連接收器套裝

接收器套裝

講完好處，開始講佢啲奇奇怪怪。首先，用相機Menu改個發射器嘅所有設定，個發射器一熄咗再開返就會打回原型，變返 default。同埋唔知點解佢個 TTL 嘅 AB 比例，校極都校唔到嘅。不過佢話遲啲有件配件加返落去，唔知可唔可已解決到呢個問題，以下幾段 Video 就係詳細解釋佢嘅操作方法同問題。

Video 1：發射器本身有 7 個 channel，同埋 7 個分組。只要長按左或右嘅按鈕就可以調校 channel 同分組，非常方便。同時按晒兩個制，仲係閃光燈測試嚟添。

Video 2：無論係相機 menu，外置閃光燈控制入面，改過啲乜野，只要個發射器熄咗再開返，都係去返個發射器嘅 default。

Video 3：你係相機 menu 改嘅閃光燈 setting，支閃光燈都會即時更新，個接收器同發射器都會有個藍燈閃一閃。個發射器熄咗再開返，你會見到個閃光燈 display 又去返 default setting。

Video 4：係 TTL 嘅時候，開左閃光燈無線控制，再開埋 AB 比例，無論你點校法，一按確定，佢又去返 1：1。

Video 5：若果唔開無線閃光燈控制，佢會有 7 個 channel，同埋 7 個分組。但係開咗嘅話，佢就得返 4 個 channel，同埋兩個分組。

岩岩試咗，永諾嘅 565EX 同 YN560 係support 嘅，但Sunpak PF20DX 就時閃時唔閃。

點選相集就可以看到更多相片。