大光圈定焦鏡 25mm f1.2

M4/3 系統一向都係缺乏大光圈定焦鏡嘅，最近出個兩支就天價，平平地，就得支 20mm f1.7，我依家就介紹一支勁抽嘅大光圈俾你，點勁抽？失光勁抽、變形勁抽、擾光勁抽、球面像差仲勁抽，不過都唔夠個價錢勁抽！55 蚊人仔是也！

除左價錢平之外，咁點解要買呢？雖然缺點一籮籮，不過影出嚟非常之有 Feel，而且中心解像力出奇地高，順光影嘅時候顏色相當之靚，背光嘅時候 Fog 得好有味道。而且 55 蚊人仔，買塊 Filter 都唔得啦。

鏡頭上面係有加膜嘅，奇怪嘅三塊光圈葉，點有 Feel 法好難形容，大家都係睇相啦！

呢支鏡仲有一個好處，就係人地問你手上面支鏡最大光圈係幾多嘅時候，你可以好理直氣壯咁答人地係 1.2 光圈，係咪寧啥威呢！

點選相集就可以看到更多相片。