俾你估下呢嚿係乜嘢嚟嘅？

估唔估到呢嚿究竟係乜東東？鑼絲？錯！電子零件？都錯！俾埋個盒你，睇吓你估唔估到。

俾埋個盒你都估唔到？咁就無辦法啦，其實呢嚿只不過係一嚿用嚟塞住手機及 MP3 機 3.5mm 耳機插頭嘅膠塞，原意大概都係設計嚟俾 iPhone 用嘅，不過既然係 3.5mm 標準插頭，即係 Android 機都用得啦。

大部嘅得咗。

細細部嘅得咗。

唔係 Android 仲有 Keyboard 嘅都得，得咗。

搞錯晒，「笨」唔係咩 Android 都插得入架！

呢嚿由 hashy 推出的 Pluggy 3.5mm 耳機插頭，除咗呢款「大粒鑼絲」之外，仲有「一葉知秋」、「上你個鏈」、「漏水籠頭」、「迷幻蘑菇」同埋「匙你有無」幾款，價錢大約係 HK$40 左右，先達廣場 1/F 嘅手機配件店可以搵到。

除咗裝飾之外仲有乜嘢實際用途？我都唔知原來你個人咁實際嘅，咪用嚟…塞住個 3.5mm 插，等佢唔好入塵…囉！